احتفال يقام سنويا في اسبانيا

هلوووووووو شخباركم

ادري ادري مشتاقين لي وااايد

وانا اكثر بس شو نسوي الظرووف خلت العنزه خرووف

>>بس سكتي فضحتينا

الموووهم....

انا بخليكم ويا الموضوع وانشا الله يعجبكم

اطلاق مجموعة كبيره من قطيع الثيران في شوارع فينسيا حتي تصل الي حلبة مصارعة الثيران

يستعد للنطحه من هل الثوار الهايج

ايه توز لاينطحك الثور العب معه استغمايه

ايه الحين وش لهم وهل الحوسه والزحمه والمفاغص والمذابح كله علشان ثور

يحليلهم ماغير مراكض كنهم مهبيل ويتلفتون وراهم لاينطحهم الثور الهايج

ودي اعرف وشولن هل الاهبل وصل لتحت توزي كله خوف لو ماشارك ابرك له

والله من الدعسه الثيران تمشي مليون

الحين هذي من الروعه قامت تتبسم تحسبها من الحفل ولا تتبسم لخشت الثور

والله من الحنان تحتريه يجيها وينطحها

المسكين ماامده يتلفت لهم الا مكلينه التراب

والله يشال للبنيه ظهرها سوي فيها توقيع

احححح جابها مظبوط

وش لك يالشايب الهيس ومناطح الثيران شف خشتك ماكله االارض هع

بااااييوو إنشـاء الـله ألقاكم

قـريـــبــااا

هلا والله  

يا مرحبا بكم حيا الله من زار سبيسي

نور السبيس بوجودكم

 يا جماعة الخير تخيلوا لو كان في عصفور يغرد على غصن شجرة

ومر من جانبه أشخاص من الجنسيات التالية

شو ممكن يسوون؟؟؟؟؟؟ 

الفرنسي...يقوم بالغناء مع العصفور

الإسباني... يقوم بالرقص على أنغام العصفور

الإيطالي... يقوم برسم العصفور

الإنجليزي... يقوم بإطلاق النار على العصفور بكل برود

الهندي... يقوم بعبادة العصفور

الصيني... يقوم بأكل العصفور

الياباني... يقوم بصنع عصفور الكتروني مشابه له

اليهودي... يقوم بالمطالبه بملكيه العصفور

باعتباره من نسل هدهد سليمان عليه السلام

الأمريكي... يقوم بصنع فلم عن كل الأشخاص

اللذين مرو بالعصفور

العربي... يمر دون ان يسمع او يشاهد العصفور

هلا والله  

يامرحـبا يا مرحـبا من دخلتوا.....بندت علينا الكهربا  

لووووولز اسولف وياكم هذا من نوركم طبعاً

شو رايكم اليوم نتخيل يوميات الصرصور

ياترى كيف عايش.....بخليكم ويا يومياته

أول شي بنبدأ بالأعمال اليوميه بالنسبه له:

1- الإستيقاض من النوم في عزكم الله دورة المياه إللي هو بيت الراحه..وماننسى بعد الروائح العطره بالنسبه للصرصور

2- القيام بالتمرينات الصباحيه  ويكون..

بالخروج أمام صاحب الغرفه والتفنن في الهروب من النعال

( والله الصراصير الحين تخلص البف باف عليه ولا يموت

مالك إلا النعال)

3- قضاء فترة القيلولة ورى الدولاب او الكبت الكبير

لأنه يسيحيل على صاحب الشقة يحركه

( خوينا طلع مب هين هههههه)

4- يعزم ربعه خلال فترة غياب صاحب الشقه

( هذا بيخلينا نغير المثل إللي يقول: لا غاب القطو العب يا فار

إلى: لي غاب صاحب الشقه العب يا صرصور هههه)

5- تقديم الوليمه للضيوف في المطبخ وهذا على الأكل إللي بقى والصحون( يعرف الأصول)

6- الرقص على مختلف المعلبات والأجبان اللي خارج الثلاجه

بـس نسينا شي...

التحذيرات اللي لازم يتخذها مجتمع الصراصير

1-عدم استفزاز صاحب الشقه لإستخدام العنف ويرش الـ (ريد)

أو الـ (بيف باف )

2-عدم القفز في الأطباق المفضله أمام صاحب الشقه

لكي لا يقرف ويستخدم طرق غير سليمه في الهجوم

( تحمل إللي بييك)

3- عدم احراج صاحب الشقة بالخروج أمامه في حضور ضيوفه

(يوم بتكونون بروحكم كيفكم بس مب جدام الناس)

4- إذا شفت صاحب الشقة يلحقك، اعكس الخطة وإلحقه

لأنه بيخاف وبيشرد ههههههههههههههه

والسمووحه على القصور

هلا والله بزوار سبيسي

شخباركم عساكم مرتاحين

اليوم كنت اسولف ويا الشغاله ميري وعدت لي القصيده

 ...تشتكي فيهاالحال وتقول

يوم يجي هنا يوم خراب ... فكر فلوس فكر سراب

واجد فلوس نسان فيزا ... سلف .. يبي عسل شراب

وقت وصول صدمه كبير ... داخل بيت نفر خراب

قرقر كلام مافي تمام ... صبح ليل شغل ازاب

توب غسلي طبخ سوي ... كلش نظيف واجد تراب

بيبي ربي و اثنين عيال ... مدام سليب، بابا غياب

قهوا شاي ودي ماي ... مشكور ما في كلش عتاب

كل يوم واجد يبكي ... وقت يسمع غني رباب

الله كريم الله عليم ... متا يشوف انا عين اهباب

هلاوغلا فيكم  

أدري تأخرت عليكم بس ترى مانسيتكم  

اليوم عندي لكم قصيده كتبتها أم لولدها إللي تركها في دار العجزه  

بخليكم ويا القصيده ولا تبخلون عليي بردودكم

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

وسلامتكم 

يالعنبووك يللي بنظراتك توترني ابغي الصدق مـنك هذا حب والاغرورك

مـادري ليه مـن تبتسم لي بسمتك تجنني ولا ادري ليه يختلف لوني

شاهدوا نتائج الاختلاط في المدارس العامة نشوف شو بيصير للطلاب والطالبات لو كانت (المدارس الإعدادية والثانوية) فيها اختلاط.
اولا :الشباااااااااب
1- بتقل نسبة الغياب إلى 99 بالمئه.
2- تنتهي أيام النذاله وعدم تسليف الأقلام والريالات ..إلخ.
3- كل الطلاب يجلسون باخر الفصل ... ويقولولك ليديز فيرست ما أدري متى جائهم الأدب .
4- الطالب بيسأل زميلته عن الواجب وبقدرة قادر توصل المكالمة لساعة
5- كل واحد بيطيح قلمة تحت كرسي وحده وهو يجيبة
6- يزداد التوصيل والكرم الزائد .. كل واحد سيارته أحلى من الثاني
7- تخيل المذاكرة أيام الإمتحانات وأبي اذاكر عند زميلتي
8- كثرة الأدب والإحترام بين الشباب وتغير مسميات حمود وعبود وخلود
إلى بو جاسم وبو وليد بو سلطان <<< ما ننسى بوسعود وبوعابــد خخخخخخخخخخخخخخخخ
9- يكثرون الشعراء في الفصل
10- تشم كل أنواع العود والبخور وآخر العطورات كل حصة
11- محد من الشباب يعلق صور سيارات ولا شعارات أندية
12- كل الشباب فجئة يصيرون مأدبين ما يروحون السيتي ولا العديد ولا سيلين ولا الشيشة وكل طلعاتهم من المسجد للبيت ومع الأهل
13- كل واحد يكتب رقمه وإيميله على الطاوله بدل إسمه
14- المدرسين يكونون سعداء لأن الطلاب دائما حافظين الدرس وكاتبين الواجب
15- تكثر العزائم على الفطور في الفسحة
16- بينزل شي خيالي بالكشخه والهيبه بين الشباب
أ ما عن البناااااات

1- أنواع التسريحات تقول عرس ماهي مدرسة ولا جامعة
2- أنواع الشنط والجواتي تقول محلات ملابس
3- أنواع المكياج تقول لوحات رسم
4- وتبدأ البنت تردد : يمه بروح لزميلي عندي درس
5- فواتير التلفون توصل للألوف
6- ماسكه السماعه وأمها تسألها : من تكلمين ..ترد : والله أخذ الواجب من زميلي.
7- كل وحدة تكون درجة نعومتها عالية جدا وتصيح على أقل كلمة تقولها المدرسة
8- يمكن للشباب الإستغناء عن قناة المستقبل وإل بي سي ومشاهدة إخر صرعات الدلع في الصف
9- تتغير صور السيارات وعبارات الشباب من أسماء أندية ولاعبين إلى صور فنانات وفنانين
10-إنتشار داء الغيرة خاصة أن كل طالبة تسعى للحصول على الطالب الأجمل
11- كل البنات بينجحون لأن الشباب بيغششونهم.
12- ما يحتاج البنات يدشون ببراشيم ... الشباب موجودين
13- إلغاء حصة الرياضه وتغيرها بحصة المكياج أو الموسيقى
14- يكثر تواجد الخدامات لتوصيل الشنط من السياره وإلى الصف
15- لا يوجد فكره تدعى بالرسوب

...أسمع صدى صوتك

...وأدورك

وين إنت؟؟

...وأصيح بين الناس

سامعك ويـنك؟؟

 ردوا علي الناس... مسكين يا إنت

!إللي تسمعه بيـن نفسك وبيـنك

...الصوت هذا مصدره داخلك إنت

في وسط قلــبك... ساكن نور عينــك

سافرت ناوي أترك الطيف لحظات،.
لقيت طيفك بالسفر محتويني.
حاولت أبعد عن خيالـك مسافـات،.
الله حسيبك وين مارحــت فيني،.
غيرك نسيته ماطرى كــل حـذات،.
إلا انت دايم كل دقيــقه تجيني،.
*.*.*